Question

Ta’ýra ipojeráva (El hijo pródigo)

Peteĩ karai ita᾿ýra mokõi; ipahaguéva he᾿i itúvape. Che ru, eme᾿ẽ chéve rehejátava; ha upéicha itúva omboja᾿o chupekuéra. Nda᾿aréi rire, ta᾿ýra pahague ombyatypa ha oho mombyry, ambue távare, upépe ohundipa oñeme᾿ẽva᾿ekue chupe hekovaiha rupi.

Oipurupa riréma, ou vare᾿a tuicha upéva upe távape, ha᾿e oñepyrũma iñembyahýi. Oho oñemboja peteĩ uperupiguápe, péva omondo chupe oñangareko haĝua hymba kurekuérare. Hi᾿ã chupe ho᾿u kure rembi᾿únte jepe ha avave nome᾿ẽi chupe. He᾿i ijupe ĝuarã: Mboy piko oĩme umi che ru mba᾿apoharakuéra heta hembi᾿urãva, ha che katu ko᾿ápe amano ñembyahýigui. Apu᾿ãta ha aha che rúpe ha ha᾿éta chupe: Che ru, ajavy yvágandi ha nendive, nda᾿eveima᾿arã che nde ra᾿yha; ejapo chehegui peteĩ ne mba᾿apohárante jepe.

Opu᾿ã ha oho itúva rendápe, ha mombyry guive ohecháma chupe itúva, ha oiporiahuverekoite chupe, oñani hendápe, oñañuã ha ohetũ. Ta᾿ýra he᾿i chupe: che ru, ajavy yvágandi ha nendive, nda᾿evéima᾿arã che nde ra᾿yha.

Itúva katu he᾿i hembiguaikuérape: peipe᾿a umi ao iporãvéva ha pemonde hese, pemoĩ kuairũ ikuãre ha sapatu ipýre, pegueru vakara᾿y ikyravéva, pejuka, ja᾿u ha javy᾿a; ko che ra᾿y ningo omanoma᾿akue ha oikove jey, oñehundima᾿akue ha ojejuhu jey. Ha oñepyrũ ovy᾿a hikuái.

Ita᾿ýra ypykue oĩ ñúme, ou rire ohendu purahéi ha oporandu peteĩvape mba᾿épa oiko. Ha᾿e he᾿i chupe: nde ryvy ou jey ha nde ru ojukauka hymba ikyravéva ou jeýre tesãire ha ndojehúi haguére chupe mba᾿eve ivaíva. Upévare ha᾿e ipochy ha ndoikeséi. Osẽ upémarõ itúva ha ojerure᾿asy chupe toikemínte haĝua. Ha᾿e katu ombohovái chupe: heta árama amba᾿apo ndéve ĝuarã ha nasẽiva ne ñe᾿ẽgui mba᾿evéicharõ, ha araka᾿eve nereme᾿ẽvai chéve peteĩ nde kavarara᾿emínte jepe, avy᾿a haĝua che angirũnguéra ndive. Ha ko nde ra᾿y katu ou omombopa rire orekomía kuñavai rapykuéri, rejuka chupe ĝuarã ne rymba iporãvéva.

Embohovái porandukuéra:

2.1. Mba’érepa oñe’ẽ jehaipy.

2.2. Mba’épa ojerure karaípe peteĩ ita’ýra.

2.3. Mba’épa ojapo upe ta’ýra umi mba’e ome’ẽva chupe itúva.

2.4. Oiporu porã piko ta’ýra pahague iviru.

2.5. Mba’éichapa oñeñandu oipurupa rire iviru.

2.6. Mba’épa ojapo ta’ýra pahague oipurupa rire virueta.

2.7. Mba’éichapa oñeñandu ambue ta’ýra. Ndépa mba’e rejapóne. Mba’ére.

2.8. Rejuhúramo ta’ýrakuéra rehe mba’épa reporanduséne chupekuéra. Mba’ére.

2.9. Mba’épa oheja ñandéve ko moñe’ẽrã.

Emongora umi tai ombohovái porãvéva porandu:

3.1. Karai oguereko:

a. Mokõi ta’ýra

ã. Mbohapy ta’ýra. ch. Peteĩ ta’ýra

3.2. Túva he’i hembiguaikuérape:

a. Omosẽjey haçua ta’ýrape.

ã. Oipe’a haçua umi ao porãvéva ha omonde ta’ýrape.

ch. Mokõive tembiapo.

3.3. Taʾýra ypykue ipochy:

a. Ndouvéi haguére ipehẽngue.

ã. Túva nome’ẽi haguére chupe viru.

ch. Ojejapóre vy’aguasu hógape ipehẽngue oujey haguére.

3.4. Túva heʾi taʾýra ypykuépe:

a. Opa mba’e arekóva ne mba’epantevoi ha jaguerohory ha javy’amanteva’erã.

ã. Nde ryvy niko omanoma’akue ha oikove jey, oñehundima’akue ha ojejuhu jey. ch. Mokõivéva.

Embojovake mokõive ta᾿ýra reko:

Ta’ýra ypykue Ta’ýra pahague​

Answer 1

Respuesta:

ahí está espero ayudarte

Answer 2

Respuesta:

Explicación: Ahí esta.

0784231d7e1976c9927f2fda038a0a18.pdf