Question

traducir de aimara a español

K’usa

(Traduce)

K’usaxa, muxsa umañawa, suma jiwrata lurata, jach’a

ichkawa umapxi, thuquñataki warart’asiñataki suma

kusisiñatakiwa.

K’usaxa akhama lurañawa.

Tarata markanxa, alphirawunakaxa mä marpachwa

wakichtasixa.

Nayraxata wiñapuwa lurañaxa, ukatakixa taqi

markpachawa yanapipxi.

Jiwra wiñaputaki lakirata kustalanakaru winantapxi ukata

pichurasina, sumachata asnunakaru khumuntasina

jawirarusa, phujurusa jach’a yanirusa wayuntapxiwa.

simana phuqatata uka chullurata jiwra waysunipxi alisu

jant’akuru jiwra willsupxi,ukatsti wankuchumpi alisu

laphinakampi wali imapxi ali suyu jilsuñapataki, sapa uru

k’aysupxi.

Tunka uruta jiwra alsutäni ukasti, junt’u lupi tuqiru

allikiptasina wañachsuña.

Wañaratatxa uka jiwrana alipa qhaxsuñawa

Uka alixa sumakiwa jansuña ukata t’ikhiñamä icha

phukuru wallxtäña, k’usa susuqañataki imasiña.

Jiltiri jiwraxa wiñapu satawa, uka wiñapuxa jansuñawa

ukata t’ikhiña, churi jiwra jansuñaraki ukata t’ikhitata

wiñapumpi jarqtasina wali suma ch’iana wallxtäña.

Jirukipasa wali phäsuña ukka qhatitaxa jampch’i satawa.

Nayrapachaxa uka wallxtiri ch’iaru muxchimpiwa

warminakaxa yanapipxiri. Muxchixa janata jiwra

t’uruntasina lakana muxch’i lurasi, ukaxa k’usa

tamañatakiwa sapxiriwa.
Thärña tinajanxa wallxtata thäraña, ukata ali suyu

wallxtatampi suma susuqaña uka k’usaxa wakullaru

imasiña.

Susuqatatxa pisuwa puchuni, wasitata wallxtaña

susuqañataki pisu puchurixa atllpanakaru,

khuchinakaruwa churañaxa.

Uka k’usaxa tunka uru wali imasiña, janiwa uñantañakiti,

usuri warmisa janiwa k’usa chnqhañapäkiti, usuri warmi

k’usa llankhani ukasti kutjiriwa.

Alphirawutakixa, ñunu k’usawa ichka wakullana

churaña.

Narxata k’usaxa kumparinakatakiwa, khipa k’usaxa taqi

markana jaqinakapatakiwa.

Uka suma k’usaxa jiwra satañana, chúqi satañana, yani

apsuñana, jiwra aphtapiana, ch’uki junuwina. Ñik’uta

muruñataki, Pachamamaru misa waxtasiñataki

k’usapiniwa utjixa.​

Answer 1

este es un traductor de guarani a español y de español a guarani

se llama iguarani