crea un texto corto en guaraní
Respuestas a la pregunta
Respuesta:
Che mbo'ehára (ñe'ẽpoty)
Haihára: Darío Gómez Serrato
Mitã ñaime haguéicha, py'a marangatúpe
ñane mbo'ehára kuéra jaropuraheimi,
ñe'ẽ hovy satĩva ta'ipu ñande jurúpe
ha lírio morotĩcha hapépe ñamoĩ.
Ñane mbo'ehára kuéra, maestra ñahenóiva
oikóva sy ha túva rekoviáma opyta,
ñane ñe'ãnguágui joheipyre heñóiva
mborayhu hechapyrã chupekuéra ĝuarã.
Tapépe jahecháva hoky ha hendypúva,
ñane renonderãme po'a ha'e arandu
Maéstrante omoĩva, maéstrante oñopũva
ko'ẽre ñane akãgui oikóva ohavi'u.
Ko'ẽro ñaĝuahẽvoma upe po'a ru'ãme
aníke tesaráipe mbo'ehára jaheja,
jepe mombyryvérõ toikóke ñane akãme
ku mainumby hovýicha tojora mandu'a.
Explicación:
Respuesta:
Ñanduti
Sapurũ, kuñataĩ porã peteĩ, oikóvante oikoha rupi omoherakuã ndaje omendáne haguã kuimba’e ogueropojáiva chupe jopói iporãvévare.
Ñanduguasu apysápe oguahẽ upéva. Ymaite guivéma niko omyendy ikorasõme ra’e hese imborayhu. Ñanduguasu oñemoĩ omboguyguy ka’aguy ryepy, jahechápa ndojuhúi peteĩ mba’e iporã ambuéva ha ikatúneva Sapurũ ohecharamo. Upéicha oiko kuévo hesaho sapy’a peteĩ ñandu renimbo rehe, ysapýpe iñakỹ ha ojajaipáva hína.
Ombopy’aroryete chupe, oñemboja mbegue katuete ha py’a tytýipe ojapyhývo, ikusugue ipópe. Ñembyasy asýpe ojere hógape omombe’u ipýpe ipo’a’ỹ. Isy he’i chupe:
-Ani rejepy’apy che memby. Heta upeichagua oĩ ka’aguýre, jaha jaheka ndéve.
Oike ka’aguýre hikuái ha márõ ndojuhúi mba’eve.
Upémarõ oporandu isy Ñanduguasúpe mba’eichaguápa pe mba’e ohecha va’ekue, ha ohendupa porã rire, oñemoĩ ohekýi iñakãrague morotĩrotĩmava ohóvo ha oipyaha ipype peteĩ ñandu renimbo joguahaite.
Ñandu Guasu ome’ẽ Sapurũme isy rembiapokue ha ombojoaju hikuái hekove kuéra. Upe guive ko tembiapokue porãite, sy mborayhúgui heñói va’ekue, héra ñanduti.