1)¿Mba'eicha hera raka'e umiava ypykuera? 2)¿Mba'eguipa ojapo tupave umi ava ypykura? 3)¿Mba'eicha hera rupave sypave ñemoñarekuera?
Respuestas a la pregunta
Respuesta:
Ava heñói ypyreguare
Tupãve Tenondete Tenondeguáva omoheñoiva’ekue teko ypy, hekoha kuarahy,
tesape ypy omoheñóiva yvy. Omenda Arasy ndive ha ojapo chupe hogarã jasýpe.
Chuguikuéra heñói ypyva’ekue ava guarani. Mokõivéva oguejy yvyty oĩva táva
Areguápe ha upe guive ojapo ygarusukuéra, yguasu, ysyry, ka’aguy, mbyjakuéra ha
mayma tekove oĩva yvy apére ha ambue hendápe.
Upépe avei Tupãve ojapo ava ypykuéra. Ojapyhy yvy ñai’ũ, ombojehe’a
ka’aruvicha rehe, avei omoĩ’imi pype yvyja’u ruguy ha y potĩ osyrýva ykuágui,
oheja kuarahýpe ikã haçua ha oikove hikuái.
Tupãve ha Arasy oma’ẽ umi aváre ha kuñáme ohero Sypave. Pe kuimba’épe
Rupave. Ko’ãva ava guaranikuéra sy ha ru ypykue.
Avei ojapo mokõi ánga ohejáva hendivekuéra ohechaukáva’erã chupekuéra
mba’éichapa oikóva’erã: Angatupyry imarangatúva ha Tau, ánga vai iñañáva
Sypave ha Rupave oñemoña, oguereko mbohapy kuimba’e ha hetaiterei kuña
umi iñemoñarekuéra atýpe oĩ:
Tume Arandu: kuimba’e arandu, omotenondéva Tupãve ñe’ẽ.
Marangatu: kuimba’e ikorasõ porãva, imarangatúva. (Kóva Kerana ru)
Japeusa: heñóiva’ekue oñembo’yhápe. Imarãva, iñañáva, nohenduséiva isy ha
itúva ñe’ẽ. Oikóva iñakãre. Ojukáva’ekue teindýra Yrasẽmame. Ojepoi ysyry
guasúpe oñapymi peve ha nosẽvéi.