Question

1. Amoñe’ẽ ko jehaipy, upe rire, aikũmby porã hag̃ua, amyenyhẽtembiaporã hesegua:


José Vale
Ko’ẽko’ẽmahína ha ahava’erã avende che pakovakuéra, Úrsula. Ejapóna chéve peteĩ
pasádo por agua mba’e arambosami hag̃ua tardeve, che kamba. Péicha he’ikuri José
hembirekópe okay’u jave hendive osẽ mboyve hógagui Paraguay gotyo oikuave’ẽ hag̃ua
imba’erepy.
Pakova a mil, señóra, pakova, he’i José sapukaipópe peteĩ koleytívo ryepýpe ha upéi
ótrope. Oĩ la ojoguáva chugui la imba’erepy ha heta oĩ la ojoguaséva ha katu omañávo
hikuái ivorsillokuéra ryepýpe ohecha yvytúmante odiparaha ápe ha pépe hína. Oĩ avei
mitã ky’amimi omba’ejeruréva kamiómpe. Rehecha avei umi kuñakarai ipitúkava
ome’ẽjeýramo umi mitãnguérape umi ikuatiakueramimi ñemoakãmbovavápe. Eju, che
ra’y, chendive, ame’ẽta ndéve pakova, re’usépa. Ha oguejy umi inosentemimi hapykuéri
ojepy’ajoko hag̃ua pakova tujukuépe.
Nde, Roberto, rehechápio umi oñembochúchi miseravlevéva pe koleytívope.
Oñemohembejerepavoíningo hikuái ko’ã mitãre, ñaimo’ã ndojepysomo’ãimba’éva avei
hikuái yvyguýpe.

Lomímontengo ho’úta chupekuéra tahýi ha yvyja.
Reíko la ichúka hikuái, paloke oguerahapáta la iplatakuéra hendivekuéra kahómpe
mba’e. Itavy ko’ã iplátacha.
Roberto opuka José rehe ha otranquilisa chupe omoĩvo ipópe peteĩ terere ro’ysã porã
ombopiro‘ymi hag̃ua chupe pe kuarahy ndirindindíngui.
Ñande ndaha’eiete áire akondisionádo guýpe ñaĩvahína, máke ñamomyimanteva’erã
tumby ñamongaru hag̃ua ñane familiakuérape. Nañanekamisa vlánkoiri ni
nañandekorvata vevéiri ko’ã kallerehína. Nde ha che jaguerotyryry ñane re’õngue ñane
lómore ka’arupytũ meve ha upéi katu jaipykúi ñande ráncho gotyo. Nde, José, chéningo
ahecha che ra’ykuéra okejavénte ha heta vése che rembireko he’i chéve okehague hikuái
ho’u’ỹre mba’eve. Ha péa cheforsa, chamigo.


Ha mba’epio jajapóta, che kapélo. Anivéna la ejeplageáiti. Háke ou veintitre a todo trápo
hína, ejupi pype ne aña mechu!!. Osapukái chupe Roberto vy’a ha kyre’ỹme ha José
ogueraha iñesperansa ipópe ovende haguâ la ipakovami... pakova, a mil pakova, don.
Mba’épio la emañaiterei che rehe, cherovaky’a mba’épio ndéve, he’i peteĩ karia’ýpe
omaña asyvahína hese. Upe karia’y opukavymínte ha nombohováiri chupe.
Og̃uahẽ vove jekaru óra katu José ha Roberto ojogua peteĩ pláto puchéro Ña Marciánagui
ha oisyryku hikuái. Ty’ái mante ombojahu hovakuéra ha mba’embyasy ikorasõnguéra.
Ka’aru pytũetévo katu oipapa hikuái la iplatami ha ojevy hóga láo kane’õme ha katĩ
jaho’ípe, ojuhu hag̃ua ita’yrakuérape okemahína osena’ỹre.
Nelson Aguilera ohaiva’ekue.




Escriba su respuesta

Ayuidaa v:​

Answer 1

Respuesta:

Lee el texto despues ve las palabras que no conozcas busca en el diccionario y listo a

Explicación: